Al qızılgül və Ağ qızılgül müharibələri. Yüzillik müharibənin başa çatmasından az sonra İngiltərənin öz daxilində müharibə başladı. Bu müharibə 30 il (1455-1485) davam etdi. Bir-biri ilə düşmən olan iki əyan nəsli hakimiyyət uğrunda mübarizə aparırdı. Bu nəsillərdən birinin gerbində al qızılgül, digərində isə ağ qızılgül təsvir olunduğundan bu müharibəni Al Qızılgül və Ağ Qızılgül müharibələri adlandırırdılar. Feodal əyanları demək olar ki, bir-birini qırıb qurtardıqdan sonra bu müharibələr da başa çatdı. Vuruşan feodal nəsillərindən birinin nüymandəsi VII Henrix Tüdor qalib gəldi. Onun taxta çıxması ilə İngiltərədə Tüdorlar sülaləsi hakimiyyətə başladı. (1485-1603). VII Henrix (1485-1509) itaət göstərməyən feodallara divan tutdu. Onun dövründə nümayəndələr palatasının hüquqları azalıldı. XV əsrin sonu-XVI əsrin əvvəlində İngiltərədə kral hakimiyyəti xeyli gücləndi.
Rəylərin sayı:.