12 dekabr
627 - Nineviya vuruşması. Bizans imperatoru II İrakli Sasanlı hökmdarı II Xosrova qalib gəlib
1096 - Mərmərə dənizi sahilində I Səlib yürüşünün əsas döyüşü baş verib
1574 - Türk sultanı III Murad hakimiyyətə gəlib
1642 - Holland dənizçi Abel Tasman Yeni Zelandiyanı kəşf edib
1727 - Rusiya ilə Səfəvi dövləti arasında Nabur sülh müqaviləsi imzalanıb. Müqaviləyə əsasən, Cavad, Salyan, Şeşpara, Rustov, Quba əraziləri Rusiyanın nəzarətinə keçib. Bundan öncə bağlanan Peterburq müqaviləsi ilə (12 sentyabr 1723) Səfəvilər Xəzərsahili bölgələri Rusiyaya güzəştə getmişdi.
1905 - İranda inqilab başlanıb.Əhalinin "bəstə oturması” ilə başlayan çıxış Rusiyadakı 1905-ci il inqilabının təsiri altında və tarixə Məşrutə (Konstitusiya) inqilabı adı ilə düşən hadisələr tədricən (1908-ci ildən) Cənubi Azərbaycanda milli hərəkata çevrilib. Səttərxanın başçılıq etdiyi inqilab 1911-ci ilin dekabrında Rusiyanın İran rejiminə köməyi ilə yatırılıb. Təbrizə daxil olan rus qoşunları inqilabçılara divan tutublar.
1911 - Hindistanın paytaxtı Kəlküttədən Dehliyə köçürülüb
1925 - Rza Pəhləvi (ata) İran taxtına sahib olub
1939 – "Qış müharibəsi” dövründə Finlandiya ordusu Tolyavari döyüşündə SSRİ ordusunu məğlubiyyətə uğratmışdır. BU finlərin sovet ordusu üzərində qazandığı ilk qələbə döyüşü idi.
1945 - Məşrutə inqilabının ildönümündə Cənubi Azərbaycanda Seyid Cəfər Pişəvərinin rəhbərliyi altında yeni inqilab qələbə çalıb. Cənubi Azərbaycan Milli Məclisinin qərarı ilə Pişəvərinin başçılığı altında Milli Hökumət qurulub. Bu hadisə tarixə "21 Azər hərəkatı” kimi düşmüşdür. Hərəkata dəstək verən sovet qoşunları İranı tərk edəndən sonra şah rejimi Milli Hökumət üzərinə hücuma keçdi. Pişəvəri hərakatı və 1946-cı ilin dekabrında süqut etdi. Azərbaycan SSR-ə mühacirət edən Pişəvəri 1947-ci ilin yayında müəmmalı avtomobil qəzasında həlak oldu.
1979 - Rodeziyanın adı dəyişdirilərək, Zimbabve adlandırılıb
1991 - Pakistan Azərbaycanın müstəqilliyini tanıyıb
1992 - Azərbaycanın ilk səfiri etimadnaməsini İranın xarici işlər naziri Əli Əkbər Vilayətiyə təqdim edib
1999 - Azərbaycanda ilk bələdiyyə seçkiləri keçirilib. Seçkilər nəticəsində ölkə üzrə 2660-dək bələdiyyə (21 mindən çox bələdiyyə üzvü) formalaşdı. Ən böyük bələdiyyəyə 19, ən kiçik bələdiyyədə 5 üzv seçilmişdi.
2002 – Bakıda "Həzi Aslanov” metrostansiyasının açılışı
2003 - Azərbaycan xalqının ümummilli lideri, eks-prezident Heydər Əliyev ABŞ-ın Klivlend Klinikasında uzun sürən xəstəlikdən sonra vəfat edib. Azərbaycanda 7 günlük matəm elan olunub.
Rəylərin sayı:.