[/b]
Musiqiçilər
Cabbar Qaryağdı oğlu
(1861-1994)
Azərbaycanın xalq artisti, özünün orijinal ifaçılıq üslubunu yaratmışdır. Musiqi tarixində ilk dəfə muğamı teatr səhnəsində və konsertlərdə ifa etmişdir.
Keçəçi oğlu Məhəmməd
(1864-1940)
Qarabağ xanəndəlik məktəbinin görkəmli nümayəndəsidir. 1912-ci ildə «Sport-record» şirkəti tərəfindən onun ifasında «Rahab», «Şahnaz», «Çoban bayatısı», «Qarabağ şikəstəsi» qrammofon valına yazılmışdır.
Məşədi Məhəmməd Fərzəliyev
(1872-1962)
Qüdrətli və məharətli səsə malik olub, klassik muğamların təkrarolunmaz tərzdə ifa etmişdir. Xüsusilə «Şüştər» muğamının mahir ifaçısı kimi tanınmışdır.
Məşədi Cəmil Əmirov
(1875-1928)
Azərbaycanın musiqi tarixində xanəndə, tarzən, bəstəkar, musiqi-ictimai xadim kimi tanınmışdır. «Seyfəl-Mülük» (1915) operasının və «Namuslu qız» (1923) operettasının müəllifidir. Gəncədə musiqi məktəbi açmışdır.
İslam Abdullayev
(1876-1964)
Qarabağ muğam məktəbinin görkəmli nümayəndəsidir. Milli musiqi tarixinə «Segah» muğamının bənzərsiz və mükəmməl ifaçısı kimi daxil olmuşdur. Bu muğam orijinal təfsirinə görə xalq arasında «Segah İslam» adlandırılmışdır.
Məcid Behbudov[/b]
(1873-1945)
Xanəndəlik məktəbinin tanınmış nümayəndələrindən biridir. Qafqaz xalqlarının dillərində mahnılar oxumuşdur.
Məşhur müğənni Rəşid Behbudovun atasıdır.
Seyid Şuşinsiki
(1889-1965)
Azərbaycan musiqi mədəniyyətində mühüm xidməti və görkəmli xanəndədir. Muğamların kompozisiya quruluşuna yeni cəhətlər gətirərək, «Rast-Humayun», «Qatar-Bayatı», «Şur-Şahnaz» kimi muğamlar yaratmışdır.
[/b]
Murtuza Məmmədov (Bülbül)
(1897-1961)
Azərbaycanda professional vokal ifaçılığı məktəbinin banisi. Xalq tərəfindən nadir tembrli səsinə görə «Bülbül» adlandırılırdı. Yaradıcılığının zirvəsini «Koroğlu» operasında Koroğlu obrazı təşkil edir.
Zülfi (Zülfüqar) Adıgözəlov
(1898-1963)
Klassik xanəndəlik məktəbinin nümayəndələrindən biridir. «Rast» muğamının ən mükəmməl ifaçısı kimi tanınırdı.
Xan Şuşinski
(1901-1979)
Qarabağ muğam məktəbinin parlaq nümayəndəsidir. Nadir tembrli gözəl səsə malik olmuşdur. Bəstələdiyi mahnılar («Şuşanın dağları», «Qəmərim») musiqi xəzinəsinə daxil olmuşdur.
Rəylərin sayı:.