Məlikov İbrahim Feyzəhməd oğlu 1989-cu il iyul ayının 19-da Xaçmaz rayonun Xudat şəhərində anadan olub. 2007-ci il iyun ayının 23-də hərbi xidmətə yola düşüb. 2009-cu ilin yanvarında hərbi xidməti başa vurub ana-atasının yanına hərbi biletlə - əsl kişilik vəsiqəsi ilə qayıtmalı idi. Lakin zaman amansız olur. Ana ilə ataya zaman elə özü xəyanət edir. Hərbi xidmətinin başa çatmasına üç ay qalmış İbrahimin özü deyil, cənazəsi qayıdır.Bu hadisə İbrahimin ömrünün 2008-ci ilin 14 oktyabrında son akkordu olur. 2008-ci ilin oktyabr ayının12-də Məlikov İbrahim öz tankında hərbi xidmətdə olarkən, qonşuluqda olan tankdan tüstü çıxdığını görür. O, heçnədən qorxmadan, dərhal tanka köməyə girir.Bu zaman tankın içərisində iki əsgər olub. İbrahim həmin əsgər yoldaşları ilə birlikdə tankı söndürür və çıxmaq istərkən 43 mərmidən bir ədədi partlayır və özləri də həlak olurlar. Bu üç oğlun qəhrəmanlığı nəticəsində bütün hərbi hissə və şəhər böyük bir fəlakətdən qurtarılmışdır.Və onlar Vətən yolunda qəhrəmanlıqla şəhid olmuşlar. Şəhidlər unudulmur. Allah rəhmət eləsin.
Rəylərin sayı:.