19 dekabr
1946 - Fransa Hind-Çin yarımadasında müharibəyə başlayıb
1950 - Duayt Eyzenhauer Şimali Atlantika Müqaviləsi Təşkilatı – NATO quvvələrinin başçısı seçilmişdir.
1965 – Fransa prezidenti general Şarl de Qoll yenidən Fransanın prezidenti seçilmişdir
1991 - Azərbaycanla Ermənistan arasında dəmir yolu nəqliyyatı tamamilə dayandırılıb. Azərbaycan bu məcburi addımı Ermənistan tərəfin Mehri rayonu ərazisində qatarlara mütəmadi hücumların edilməsinə cavab olaraq atmışdı. Bu ərazidə Bakı-Naxçıvan marşrutu ilə hərəkət edən qatarlara basqınlar hələ 1989-cu ildə başlamış və o vaxtdan dəmir yolunda hərəkət dəfələrlə kəsilmişdi. Əslində ermənilər bunda maraqlı idilər, çünki Azərbaycan-Ermənistan dəmir yolu əlaqəsinin dayandırılması nəticə etibarilə Naxçıvanı ağır iqtisadi blokadaya saldı. Eyni zamanda, ermənilər bu faktdan sui-istifadə edərək 1992-ci ildə ABŞ Konqresində Azərbaycana qarşı 907 saylı qadağanın qəbuluna nail oldular.
1993 - Heydər Əliyev Azərbaycan prezidenti postunda ilk rəsmi səfərini Fransaya edib. Səfər AXC iqtidarı dövründə soyuqlaşmış Azərbaycan-Fransa münasibətlərinin sahmanlanması üçün böyük önəm kəsb edirdi. Heydər Əliyev səfər gedişində Fransada yaşayan azərbaycanlı icmasının nümayəndələri ilə də görüşmüş, Parisdəki Sen-Klu qəbirstanlığında Azərbaycan xalqının görkəmli oğullarının - Əlimərdan bəy Topçubaşovun və Ü.Hacıbəyovun qardaşı Ceyhun Hacıbəylinin məzarlarını ziyarət etmişdi.
Rəylərin sayı:.