1988-ci il
İyun - SSRİ ilə ABŞ arasında orta və yaxın mənzilli raketlərin ləğv edilməsi haqqında müqavilə qüvvəyə minmiş və sonrakı üç il ərzində kütləvi qırğın silahının bü növləri ləğv edilmişdir.
Noyabr - Fələstin Milli Şurası Fələstin dövlətinin yarandığını e'lan etmişdir.
1989-cu il
15 fevral - Əfqanıstandan sovet qoşunlarının çıxarılması başa çatmışdır.
May - Macarıstanda kommunist rejimindən demokratik idarə üsuluna keçilmişdir.
May – Çində islahat tərəfdarlarının Tyananmen meydanında nümayişi hərbi qüvvə tətbiq edilməklə yatırılmışdır.
İyun - Polşada parlament seçkiləri nəticəsində kommunist rejimindən demokratik idarə üsuluna keçilmişdir.
9 noyabr – Şəhərin şərq hissəsini qərb hissəsindən ayıran «Berlin divarı» sökülmüşdür.
17 noyabr – Çexoslovakiyada «məxmər» inqilab başlanmışdır.
Dekabr – Rumıniyada Çauşesku rejimi devrilmişdir.
1990-cı il
3 oktyabr – ADR AFR-ə birləşdirilmiş və vahid Almaniya dövləti yaranmışdır.
Noyabr – ATƏM-in iştirakçısı olan dövlətlərin yüksək səviyyəli görüşü Yeni Avropa üçün Paris xartiyasını qəbul etmişdir.
Noyabr – Parisdə Avropada adi silahların məhdudlaşdırılması haqqında çoxtərəfli müqavilə imzalanmışdır.
Dekabr – Bolqarıstanda bazar iqtisadiyyatına keçilməsi üçün radikal islahatlara başlanmışdır.
1991-ci il
Yanvar – İraqın Küveyti işğal etməsinə cavab olaraq ABŞ, Səudiyyə Ərəbistanı və bir qrup dövlətlər İraqa qarşı körfəz müharibəsinə-«Səhrada tufan» əməliyyatına başlamışlar.
Mart – Albaniyada ilk dəfə çoxpartiyalı seçkilər keçirilmiş və bazar münasibətlərinə keçid başlanmışdır.
İyun –QİYŞ-in fəaliyyətinə xitam verilmişdir.
1 iyul – Varşava Müqaviləsi Təşkilatı buraxılmışdır.
İyul - SSRİ və ABŞ arasında hər iki ölkədə nüvə silahı ehtiyatlarını üçdə bir qədər azaltmaq haqqında müqavilə imzalanmışdır.
19-21 avqust – SSRİ-də Dövlət Fövqəl’adə Vəziyyət Komitəsi yaradılmış, dövlət çevrilişinə cəhd göstərilmişdir.
Oktyabr – Sloveniya və Xorvatiya Yuqoslaviyadan ayrılıb öz müstəqilliyini e'lan etmişlər.
Oktyabr – General C.Dudayev Çeçenistan prezidenti seçilmiş və Çeçenistan Respublikasının müstəqilliyi e'lan edilmişdir.
Noyabr – Makedoniya Yuqoslaviyadan ayrılıb öz müstəqilliyini e'lan etmişdir.
Dekabr – Avropa İqtisadi Birliyinin 12 üzvü Maastrixtdə (Hollandiya) Avropa İttifaqının yaradılması, inteqrasiya prosesini sür'ətləndirmək haqqında qərarlar qəbul etmişdir.
8 dekabr – SSRİ-nin ləğv edilməsi və Müstəqil Dövlətlər Birliyinin (MDB) yaradılması haqqında Belovejdə Rusiya, Ukrayna və Belarus prezidentləri saziş imzalamışlar.
21 dekabr – Alma-Atıda Orta Asiya respublikaları, Qazaxıstan və Ermənistan MDB-yə daxil olmaq haqqında sənədləri imzalamışlar.
1992-ci il
Mart – Bosniya və Hersoqovina öz müstəqilliyini e'lan etmişdir.
Aprel – Serbiya və Çernoqoriya birləşərək Yuqoslaviya ittifaqı yaratmışlar.
İyun – Qara dəniz İqtisadi Əməkdaşlıq Təşkilatı yaradılmışdır.
İyul – Helsinkidə ATƏM-in iştirakçısı olan 52 dövlətin görüşündə millətlərarası münaqişələrlə əlaqədar sülhün qorunması və bərpa olunması üçün qüvvələr yaradılması haqqında qərar qəbul edilmişdir.
Oktyabr – Ankarada türk dövlətləri başçılarının birinci zirvə toplantısı keçirilmişdir.
1993-cü il
Yanvar – Çexoslovakiya müstəqil Çexiya və Slovakiya dövlətlərinə ayrılmışdır.
Yanvar –Rusiya və ABŞ prezidentləri SSM-2 müqaviləsini imzalamışlar. Bu müqaviləyə görə, hər iki dövlət nüvə raketləri ehtiyatlarının üçdə iki hissəsini ləğv etmək barəsində razılığa gəlmişlər.
Yanvar – NATO «Sülh naminə tərəfdaşlıq» proqramı ilə çıxış etmişdir.
May – Avropa Birliyi Qafqazda və Mərkəzi Asiyada nəqliyyatın inkişafına dair TRASEKA proqramını qəbul etmişdir. Bu texniki yardım proqramı Avropadan Qara dəniz-Cənubi Qafqaz-Xəzər dənizi-Mərkəzi Asiya istiqamətində nəqliyyat dəhlizinin inkişaf etdirilməsinə xidmət edir. 3 Qafqaz və 5 Mərkəzi Asiya ölkəsi onun iştirakçısıdır.
13 sentyabr – İsrail və Fələstin Azadlıq təşkilatı rəhbərləri İordan çayının qərb sahilində və Qəzza bölgəsində yerli özünüidarə təşkil edilməsi prinsipləri haqqında Vaşinqton bəyannaməsi imzalamışlar.
1994-cü il
5-6 dekabr - Budapeştdə ATƏM-in zirvə toplantısı keçirilmiş, ATƏM-Avropa Təhlükəsizlik və Əməkdaşlıq Təşkilatına (ATƏT) çevrilmişdir.
11 dekabr – Rusiya Çeçenistana qarşı iri miqyaslı hərbi əməliyyatlara başlamışdır.
1995-ci il
11 may – Dünya dövlətləri nüvə silahını yaymamaq haqqında 25 illiyə bağlanmış müqaviləni müddətsiz uzatmaq barəsində razılığa gəlmişlər.
Dekabr – Bosniyada sülhü tə'min etmək üçün Deyton sazişi imzalanmışdır.
1996-cı il
11 aprel – Afrikanın 43 dövləti bu qitənin nüvə silahından azad zona e'lan edilməsi haqqında saziş imzalamışdır.
Avqust – Xasavyurdda Rusiya ilə Çeçenistan arasında hərbi əməliyyatların dayandırılması haqqında müqavilə bağlanmışdır.
Sentyabr – Taliban qüvvələri Kabili tutub Əfqanıstanda öz dövlətlərini yaratmışlar.
2-3 dekabr - Lissabonda ATƏT-in üzvü olan dövlətlərin zirvə toplantısı keçirilmişdir.
1997-ci il
15 may - Avropada adi silahlar haqqında cinah sazişi təsdiq edilmişdir.
May – İranda dünyəvi xətt tərəfdarı Məhəmməd Hatəmi prezident seçilmişdir.
1 iyun – Honkonqda Böyük Britaniyanın müstəmləkə idarəçiliyi başa çatmış, şəhər Çinə birləşdirilmişdir.
İyun – Denver sammitində «böyük yeddiliyin» liderləri Rusiyanı bu birliyə qəbul etmişlər.
1998-ci il
Mart – Serbiya Kosovo albanlarına qarşı irimiqyaslı hərbi əməliyyatlara başlamışdır.
Aprel – İndoneziyada xalq kütlələrinin təzyiqi ilə general Suxarto prezidentlikdən istefa vermişdir.
May – Hindistan və Pakistan nüvə silahı sınaqları keçirmişlər.
May – Vaşinqtonda İsraillə Fələstin muxtariyyəti arasında «Sülh əvəzinə torpaq» prinsipi üzrə razılaşma imzalanmışdır.
İyul – Avropa Birliyinin vahid bankı yaradılmışdır.
1999-cu il
Yanvar – Avropa Birliyinin ümumi valyutası «avro» dövriyyəyə buraxılmışdır.
Fevral – Kürd terrorçu təşkilatı - PKK-nın başçısı Abdulla Öcalan həbs edilib Türkiyəyə gətirilmişdir.
12 mart – Çexiya, Polşa və Macarıstan NATO-ya qəbul edilmişlər.
24 mart – NATO Serbiyanın Kosovo albanlarına divan tutmasının qarşısını almaq üçün hərbi əməliyyatlara başlamışdır.
18 noyabr – Azərbaycan neftinin Bakı–Tbilisi–Ceyhan əsas ixrac boru kəməri vasitəsilə nəql edilməsinə dair Azərbaycan, Gürcüstan və Türkiyə Respublikaları arasında saziş imzalanmışdır.
Noyabr – İstanbulda ATƏT-in zirvə toplantısı keçirilmiş, Avropa təhlükəsizliyi xartiyası qəbul edilmişdir.
2000-ci il
26 mart – V.V.Putin Rusiya Federasiyasının prezidenti seçilmişdir.
Aprel – Bakıda türkdilli dövlətlərin VI zirvə toplantısı keçirilmişdir.
Sentyabr – Sidneydə XXVII olimpiya oyunları keçirilmişdir.
Oktyabr – Yuqoslaviyada seçkilərdə demokratik qüvvələrin nümayəndəsi V.Koştunitsa qələbə çalmış və Miloşoviç rejiminə son qoyulmuşdur.
Noyabr-dekabr – C.Buş (kiçik) ABŞ-ın 43-cü prezidenti seçilmişdir.
2001-ci il
11 sentyabr – ABŞ-ın Nyu-York və Vaşinqton şəhərləri ən böyük terrorçu basqınlarına məruz qalmışlar.
7 oktyabr – ABŞ və müttəfiqləri beynəlxalq terrorizmə və Əfqanıstanda taliban rejiminə qarşı "Sonsuz azadlıq” əməliyyatına başlamışlar.
2002-ci il
mart-aprel – İsrail Fələstinə qarşı irimiqyaslı hərbi əməliyyatlara başlamışdır.
23-24 aprel – Xəzəryanı ölkələrin dövlət başçılarının Aşqabadda ilk Zirvə görüşü olmuşdur.
Rəylərin sayı:.