Tələbə Qəbulu üzrə Dövlət Komissiyasının sədri Məleykə Abbaszadə ali məktəblərə və rezidenturaya qəbul imtahanının vaxtının da dəyişdirildiyini bildirib. Yeniliklər bununla bitmir. Belə ki, 2015-ci ildən etibarən orta məktəblərdə də buraxılış imtahanlarında fənlərin sayı artırılacaq.
2014-cü ildən etibarən əvvəlki illərin məzunları üçün qəbul imtahanları aprel ayında keçiriləcək. Bu, 3-cü sınaq imtahanından sonra baş tutacaq. Onların balları apreldə məlum olsa da, müsabiqədə həmin ilin məzunları ilə birgə iştirak edəcəklər. Rezidenturaya keçiriləcək qəbul imtahanının vaxtı da dəyişdiriləcək.
Gələn ildən etibarən ediləcək daha bir yeniliyə əsasən, 2014-cü ilin 9-cu sinif məzunları buraxılış imtahanlarının nəticələrinə görə, 9 illik bazadan orta ixtisas təhsili müəssisələrinə qəbul ola bilərlər. Orta ixtisas təhsili müəssisələrinə qəbul imtahanları yalnız əvvəlki illərin məzunları üçün keçiriləcək. 2015-ci ildə qəbul qaydalarında da bir sıra dəyişikliklər nəzərdə tutulur. Eyni zamanda orta məktəblərdə keçirilən buraxılış imtahanlarında isə fənlərin sayı artırılacaq.
Müəyyən fənlər əvvəldən elan ediləcək. Uşaqlar öz seçimləri ilə əlavə 2 fənn seçəcəklər. Bunlar, Azərbaycan tarixi, Coğrafiya, Biologiya, Kimya, Fizika və xarici dil ola bilər. Hələ ki müzakirə olunur. 2015-ci ildə qəbul qaydalarında bir sıra dəyişikliklər ediləcək. Attestat və buraxılış imtahanlarının nəticələri də nəzərə alınacaq.
Rəylərin sayı:.