Əziz müəllimlər, şagirdlər, tələbələr və valideynlər ! Artıq üçüncü il olacaq ki, Təhsil Nazirliyinin birbaşa xətti ilə "Elektron Müsabiqə" adlı texno-dərs, təhsil saytları və bloqları və s. üzrə yarışma keçirilir. Bu ildə yarışma 2 aprel 2012-ci il tarixindən start götürəcək. Yarışma www.musabiqe.edu.az saytı vasitəsilə keçirilir.
Bu yarışmaya qatılın və qalib gəlin.
Çox təəsüf ki, bizim bu sayt yarışmada iştirak etmək hüququ almayacaq. Bunun səbəbi: Qalib gəlmiş texno-işlərin müəllifləri 3 il bu müsabiqədə iştirak etməyəcək. Təşkilat Komitəsinin qəbul etdiyi bu ədalətsiz qərarı ilə saytımız müsabiqədən kənar qalacaq. Məni düz başa düşün rica edirəm. Mən məhz bu müsabiqənin eşqi ilə bu internet texnologiyasını öyrənməyə başladım. Özümün fənnimə olan həvəsim isə, zövqüm isə belə bir saytın yaranmasına səbəb oldu. Mən ilk dəfə di internet saytları nominasiyasında iştirak edəcəydim, amma bu hüquq əlimizdən alınıb. Nə olar ki, mən 2010-cu ildə bu müsabiqədə texno-dərs nominasiyasında II Yer mükafatını almışam. Axı bu nominasiyada ilk dəfə olacaqdı ki, mən iştirak edəcəydim. Bir tərəfdən müəllimlərin texno bacarıqlarını yüksəltməyə çalışırıq, o biri tərəfdən isə texno-biliyə yeni yiyələnən müəllimlərin öyrənmə və həvəsləndirmə istəyinin qarşısını alırıq. Bu doğrudumu bilmirəm. İngiltərə burjua inqlabı dövründə Oliver Kromvel inqalbın başlanğıcında inqilabın rəhbəri oldu, inqilabın sonunda isə, Oliver Kromvel inqilabın boğuçusu oldu. İndi Müsabiqənin Təşkilat Komitəsi Oliver Kromvelin yolunu gedir. Odur ki, mən Kromvelləri sevmirəm. Bununla belə mən həvəsdən düşməyəcəm, çünki həvəs özü məni buralara gətirir. Nə isə oxucularımı yordumsa bağışlayın. Amma yenədə belə bir haqsızlıqla razılaşa bilmirəm. Uğurlar olsun hər kəsə !
Rəylərin sayı:.