“1905.az” Diskussiya Klubunda

1905.az” Diskussiya Klubunda 1921-ci ildə Rusiya və Türkiyə arasında bağlanmış Moskva müqaviləsindən danışıldı....
1921-ci il Moskva və Qars müqavilələrindən danışdıq. Fikrimcə, azərbaycanlıların yaşadıqları Naxçıvanın hansı səbəbdən Azərbaycan Respublikası daxilində muxtariyyət almasını insanlarımız bilməlidir. Rusiyanın bəzi siyasətçilərinin erməni fitnəkarlığının alətlərinə çevrilməsi onların tarixi yaddaşlarını da xarab edib. Vaxtilə türklərin və rusların Antanta adlı ümumi düşmənləri var idi və istiqlal uğrunda Antanta dövlətləri və onların tulaları ilə vuruşan türklər həm də rusları mühafizə edirdilər. O zamanlar ermənilər Antantanın yanında quyruq bulayırdılar. Əgər ruslar bunları unudublarsa bu onların naşükürlüyüdür.
Təəssüflə qeyd etməliyəm ki, bolşevik bayrağı altına keçmiş sapı özümüzdən olan baltalar, yəni yerli kommunistlər, öz ağalarına xoş gəlmək üçün torpaqlarımızı sağa-sola paylayan zaman Türkiyə Naxçıvanın müdafiəsinə qalxdı. Bunun nəticəsidir ki, indi Naxçıvan Azərbaycanın tərkibindədir.