İlqar Məmmədovun ömür yolunun
Qısa Tarixçəsi
-8 aprel 1974-cü ildə anadan olub.
-1 sentyabr 1980-ci ildə Biləcəri qəsəbəsində 298Ⅶ-li orta məktəbin 1-ci sinfinə qəbul olub.
-1991-ci il Biləcəri qəsəbəsi 298Ⅶ-li məktəbi qızıl medalla bitirib.
-1991-ci ilin 19 mayında könüllü olaraq cəbhəyə yollanmışdır.
-1992-ci ilin avqust 15-də Cəbrayıl rayonunun "Şişqaya” əməliyyatında qəhrəmanlıqla həlak olmuşdur.
-Bakı şəhəri Xalq Deputatları Sovetinin Rəyasət heyətinin 5 aprel 1994-cü il Ⅶ4/31-li qərarı ilə oxuduğu məktəbin adı verilmişdir.
-Azərbayycan Respublikası prezidentinin 09 oktyabr 1994-cü il tarixli fərmanı ilə "Hərbi xidmətə görə”medalı ilə təltif olunmuşdur.
VƏTƏN SEVGİLİ İGİD
Bir oğlan yaşayırdı bu dünyada,Vətən sevgili oğlan!Cəmi 18 yaşı var idi,amma el dərdi çəkird,torpağ qeyrətini daşıyırdışTibb Universitetində oxusada,ürəyi döyüş bölgəsində idi,gecə də,gündüz də narahat idi,qəmli-qəmli dolanıb gəzirdi.Düşünürdü:
"Nə olaydı,yağıları dəf edəcək bir fürsətim olaydı.”
Nəhayət,bu istəyi bu Vətən eşqi yerinə yetdi.1974-cü il təvəllüdlü gənc İlqar cəbhəyə gedib rabitəçi olaraq öz borcunu verməyə başladı.Düşmən bunu bildiyindən və həm də onun fərasətindən xəbərdar olduğundan İlqarı tez aradan götürməyə qərar verdi.O,belə də etdi.Qönçə ikən gül olmayan,Vətən sevgili İlqar qəfil düşmən gülləsinə tuş gəldi.Lakin ugrunda can qurban etdiyi torpaqlar onun qanına boyansa da,könüllər bir şəhidin nuruyla doldu.Vətənin bir oğluyla da öyündü.Həmin vaxtdan-1992-ci ilin yay axşamında ulduzlar yanında bir şəhid ruhu da uçdu.Bir gənc ömründən isə əzizlərinə yazdıgı vətən sevgili,yadigar bir məktub qaldı:
"Mən həyatda sizlərə çox borcluyam.Amma,Vətən qarşısında borcum daha böyükdü.Məni axtarmayın,mən getdim muharibəyə.Heç nəyə narahat olmayın.Siz əzizinizin canı,heç yerdə qarma-qarışıqlıq salmayın.instituta getməyin.Çünki məni zərbə altında qoyarsız.Sizi and verirəm ananızın südünə heç bir şey etməyin.Torpaq mənə hər şeydən əzizdir.Allaha and verirəm,o müqəddəs Qurana and verirəm,narahat olmayın.Vətən təhlükə qarşısındadır.Allah qoysa sağ-salamat qayıdaram.İnstitut uşaqları ilə gedirəm.”
Açıldı səhərin toran gözləri,
Könüllü döyüşə yollandı İlqar.
Təbiətdə bahar,ürəkdə qəm var,
Gözündə bir kədər,həm də ki nəm var.
Çıxdı o sakitcə barmağı üstə
Çıxdı o evindən xəlfət,ahəstə.
18 yaşında şəhid olan İlqar Tibb Unversitetində oxuyurdu.Ondan yadigar bir də sinif otağında boş qalan yeridi.
İlqarın şair təbiəti ona bir neçə şeir də yazdırmışdı.Elə o şeirlərdə onun çılğın könlünün yadigarlarındandı.
Getdikcə artırır fələk dərdini,
Zülm edib daraldır sənin səbrini,
Əyməsin ağrılar qəddini,ata,
Qoymayır durasan,səni dinc,ay ata,
* * * * *
Körpə İlqarını gül tək qoxlayan,
Halını sorub,səhhətini yoxlayan.
Hörmətin hamidan əzız saxlayan,
Ey cənnət məkanım əziz anamsan.
* * * * *
İlqarı düz düşün başa,
Oyaq ikən getmə huşa
Əziz bacım,yüz il yaşa
Xeyr-dua verəndən ol.
* * * *
Donub insanların yaşı gözündə,
Bir ölüm hökmü var hər bir izində
Mən təlaş görürəmdünya gözündə
Bizim naləmizdən ağlayır dünya.
Şəhidlər heç zaman unudulmur.Həmçinin eli sevən,torpaqları sevən,Vətəni sevən İlqar da unudulmazdır.İmam Hüseyndən başlanan Şəhidlik zirvəsi bu günkü şəhidlərimizin də ruhlarının uca məkanıdır.
Cümlə Şəhidlərimizə Allah rəhmət eləsin!Amin!
Rəylərin sayı:.