Torpaqdan pay olmaz. Təəssüf ki, bu cümlənin mahiyyətinə hər zaman əməl olunmur. Sübut kimidə bizim torpaqlarımızın zaman-zaman qonşularımız arasında bölüşdürülməsini göstərmək olar. Ən çox bildiyimiz və danışdığımız isə İran və Ermənistanın tərkibində olan torpaqlarımızdır.
Hamıya məlumdur ki, Azərbaycan dövlətinin keçmişdən indiyə qədər sahib olduğu torpaqlarının yarısından çoxu, Azərbaycanın cənubu İranın tərkibindədir. Ermənistan isə bizim hal-hazırda sahib olduğumuz torpaqların 20%-ini işğal edib.Məsələyə bir tərəfdən baxanda görürük ki, İranın tərkibində olan torpaqlarımız daha çoxdur,amma bu bizi o qədər də narahat etmir (Ona əsasən deyə bilərik ki,mediada ən çox danışılan mövzu "Dağlıq Qarabağ”məsələsidir). Narahat etməməyinin səbəbi bu ola bilər ki, biz Cənubi Azərbaycana xarici pasportla da olsa gedə bilirik, oradakı qohumlarımızı ziyarət edir və oraları görürük. Yəni Araz çayı bizim o taya keçməyimizə mane olmur.
Ermənistanın bizdən işğal etdiyi torpaqlara gəldikdə isə.... Məsələn hansı bir Azərbaycan vətəndaşından soruşduqda, xəritədə Azərbaycanın cənubunu göstərə bilər, lakin Cənubi Azərbaycanda yerləşən hər hansı bir şəhərin yerini dəqiq göstərə bilməz. Amma Ermənistanın torpaqlarımızı bizdən almaq yolu, bizə xəritədə Qarabağın və yeddi rayonun yerini əzbərləməyə məcbur etdi. Bu o yol idi ki, Azərbaycan xalqı bu müddətdə "Xocalı faciəsini” gördü, öz yurd-yuvalarını düşmənə verməyə məcbur olan soydaşlarını gördü. Bu idi Qarabağa bağlılığı olmayan kəslərə də, ürəyində Qarabağ həsrətini yaradan səbəb.
Yenə də Cənubi Azərbaycanla müqayisə etsək görərik ki, biz Qarabağı 22 il əvvəlki videolentlərdə görürük. Öz tarixi torpaqlarımızı yerində görmək, oranı ziyarət etmək hüququmuz yoxdur. Bu haqsızlıq 22 ildir davam edir. Bu haqsızlığa səbəb kimi erməni lobbisinin güclü olmasını göstərsələrdə mənim fikrimcə ,dünyada yaşayan azərbaycanlılar sözün həqiqi mənasında bir olsa, onlara qalib gələrik.
İnşallah, birgün Azərbaycanımızı əvvəlki kimi bütöv və müstəqil görərik. Buna ümid edək. Ümidlərimizin doğrulması diləyi ilə...
Cəddimin yatdığı ulu torpağı,
Sinəsi sərvətlə dolu torpağı,
Mən sənə pay verim?
Mən qul, sən ərsən?
Sən məni bu qədər axmaq bilirsən?
Cəddimin yatdığı ulu torpağı,
Sinəsi sərvətlə dolu torpağı,
Mən sənə pay verim?
Mən qul, sən ərsən?
Sən məni bu qədər axmaq bilirsən?
Rəylərin sayı:.