Evin sonbeşiyi olan Qaryağdı Əhmədov Tovuz rayonunda hərbi xidmətdə olub. Xidmətdən qayıtdıqdan sonra Azərbaycan Silahlı Qüvvələrində müddətdən artıq xidmət edən (MAXE) hərbçi kimi cəbhəyə yollanıb.
"1992-ci ilin iyulun 1-də anadan olmuşdu, avqustun 1-də dünyasını dəyişdi. 22 il 1 ay ömür sürdü: ”Qaryağdı evin sonbeşiyi idi. Onu şəhid verdim. Bu mənim üçün fəxrdir. Oğlumu alnıdik şəkildə torpağa tapşırdım. O bu vətən üçün şəhid oldu. Belə bir övlad böyütməyimlə fəxr edirəm. Azərbaycanın bütün rayonlarından bura gəlirlər, dərdimizə şərik olurlar. Çox sağ olsunlar", - deyə Eldar Əhmədov bildirib.
Mərhumun qardaşı İsa Əhmədov deyir ki, Qaryağdı vətənə xidmət etmək istəyirdi: "Orduya öz istəyi ilə getdi. Heç kim də ona mane olmadı. Çox istiqanlı, zəhmətkeş insan idi. Hər kəsə yardım etməyə çalışırdı. Onun haqqında danışmaq mənə çox çətindir. Qardaş itkisi çox pis şeydir”.
İsa Əhmədovun sözlərinə görə, Qaryağdının ən böyük arzusu qardaşının uşaqlarının toyunu etmək olub: "Ən böyük istəyi mənim uşaqlarımın toyunu etmək idi. Qismət olmadı. Sonuncu dəfə görüşəndə maşın almaq istədiyini dedi. Biz razı olmadıq. Qorxurduq ki, qəzaya düşər. Allah ona şəhidlik zirvəsini qismət elədi”.
Qaryağdının dostu Vüsal Nuriyev isə bunları dedi: "Dost kimi hər şeyə öz köməyini əsirgəməzdi. Ölümə belə gedərdi. Heç nədən qorxan adam deyildi. Kimin problemi olardısa, çalışardı kömək etsin”.
şəhidin atası Eldar Əhmədova Müdafiə Nazirliyinin nümayəndəsi polkovnik İslam Gəncəliyev medal təqdim edib. Müdafiə naziri Zakir Həsənovun əmri ilə şəhid olan həbrçilərimiz "Hərbi xidmətdə fərqlənməyə görə” 3-cü dərəcəli medalla təltif edilib.
şəhidlər ölməz.!
Allah rəhmət eləsin.
Rəylərin sayı:.