1.
Yaşadığımız ölkə - Azərbaycan
·
Vətənimiz
Azərbaycan çox qədim tarixə malikdir. Azərbaycan ərazisində ilk insanlar hələ 1,5 mln il bundan əvvəl məskən
salmışıdr. Ən qədim insanların izlərinə Qarabağda
Füzuli şəhəri yaxınlığında
yerləşən Azığ mağarasında rast gəlinmişdir. Minilliklər ərzində
Azərbaycan ərazisində türkdilli tayfalar məskunlaşmış və
torpaqlarımızın azadlığı uğrunda mübarizə aparmışlar.
·
Ölkəmiz
tarixi mənbələrdə "Odlar yurdu” kimi adlandırılmışdır.
·
Azərbaycan
ərazisində Azərbaycan türkləri ilə yanaşı, başqa millətlərin nümayəndələri də
bütün tarix boyu bir yerdə yaşamışdır: Talışlar, ləzgilər, avarlar, tatlar,
gürcülər və s. Bütün bu millətlər Azərbaycan xalqınının tərkib
hissəsini təşkil edir.
·
Azərbaycan xalqı Azərbaycan Respublikası ərazisində və ondan kənarda yaşayan, Azərbaycan dövlətinə və onun qanunlarına tabe sayılan Azərbaycan Respublikası vətəndaşlarından ibarətdir.
2.
Yaşadığımız dövlət – Azərbaycan
Respublikası
·
Azərbaycan
Respublikasının yarandlğı tarix – 18 oktyabr 1991-ci il
·
Azərbaycan
Respublikasının paytaxt şəhəri – Bakı şəhəri
·
Azərbaycan
Respublikasının ərazisi - 86,6 min km2
·
Azərbaycan
Respublikasının dövlət sərhədləri - Cənubdan İranla və Türkiyə
ilə, şimaldan Rusiya ilə, şimali-qərbdən Gürcüstan ilə, qərbdən isə Ermənistanla
həmsərhəddir.
·
Xəzər dənizi
üzrə Rusiya,
, İran, Qazaxstan və Türkmənistanla həmsərhədik.
·
Azərbaycan
Respublikasının tərkibinə bir muxtar qurum - Naxçıvan Muxtar Respublikası,
65 rayon və 69 şəhər daxildir.
·
Azərbaycan
Respublikasının dövlət rəmzləri – Dövlət bayrağı, Dövlət Gerbi və
Dövlət himnidir.
- Dövlət bayrağımız - Azərbaycan Respublikasının Dövlət bayrağı Azərbaycan dövlətinin
suverenliyinin rəmzidir. 9 noyabr
1918-ci ildə qəbul olunmuşdur. Bayrağımız üçrənglidir. Bayrağımızda olan
mavi rəng türkçülüyün, qırmızı rəng müasirlik və demokratiyanın, yaşıl rəng isə
islamın simvoludur. Aypara və səkkiz guşəli ulduz isə xoşbəxtlik və səadət rəmzidir.
- Dövlət gerbi - Azərbaycan Respublikasının Dövlət gerbi Azərbaycan dövlətinin müstəqillik
rəmzidir. Milli Məclisin 1993-cü il 19
yanvar tarixli qərarı ilə təsdiq edilib. Azərbaycan Respublikasının Dövlət gerbi palıd yarpaqlarından, sünbüllərdən ibarət
qövsün üzərində yerləşən Şərq qalxanının
təsvirindən ibarətdir. Qalxanın üstündə Azərbaycan Respublikasının Dövlət
bayrağının rəngləri fonunda səkkiz guşəli
ulduz, ulduzun mərkəzində alov təsviri
vardır. Burada qalxan - birlik, müdafiə,
müqavimət; ulduz - Vətənimizin cənnət məskəni olmasının; alov - odlar yurdunun;
palıd yarpaqları – uzun ömürlüyün və möhkəmliyin; sünbül isə bərəkətin,
bolluğun rəmzidir.
- Dövlət himni - Azərbaycan Respublikasının
Dövlət himni Azərbaycan Dövlətinin, onun müstəqilliyinin və birliyinin müqəddəs
rəmzidir. Musiqisi Üzeyir Hacıbəyovun, sözləri Əhməd Cavadın olan "Azərbaycan
marşı" Azərbaycan Respublikasının Dövlət himni kimi Milli Məclisin 27 may
1992-ci il tarixli qərarı ilə təsdiq edilmişdir.
·
Azərbaycan
Respublikasında dövlət hakimiyyəti 3 hissədən ibarətdir: Qanunverici, İcraedici və Məhkəmə.
- Azərbaycan Respublikasında Ali qanunverici hakimiyyət –
Milli
Məclisə (Dövlətimizin əsas qanunlarını qəbul edən hakimiyyət orqanı) məxsusdur.
Milli Məclis 125 deputatdan (deputat – xalqın nümayəndələri) ibarətdir. Parlamentə bütün
deputatlar səsvermə yolu ilə seçilir.
- Azərbaycan
Respublikasının dövlət başçısı – Azərbaycan Respublikasının Prezidentidir.
Prezident Ali İcraedici hakimiyyətin
rəhbəridir.
- Azərbaycan
Respublikasının Prezidenti ümumxalq səsvərmə (Referndum) yolu
ilə Azərbaycan Respublikasının vətəndaşları tərəfindən seçilir.
- Azərbaycan
Respublikasının Prezidenti Azərbaycan Silahlı
Qüvvələrinin Ali Baş Komandanıdır.
- Azərbaycan
Respublikasının Prezidenti İlham Əliyevdir. İlham Əliyev 2003-cü ildən Azərbaycan dövlətinin rəhbəridir.
O, bu vəzifəyə ən çox seçilən Azərbaycan vətəndaşıdır (3-dəfə: 2003-2008, 2008-2013 və 2013-cü ildən bu günə kimi)
·
Azərbaycan
Respublikasının əhalisinin sayı
hazırda 9 milyondan çoxdur.
·
Azərbaycan
Respublikasının milli pul vahidi manatdır.
·
Azərbaycan
Respublikasının dövlət dili Azərbaycan
dilidir.
3. Ümummilli
liderimiz - Azərbaycan xalqının
Ümummilli lideri – Heydər Əliyevdir.
·
Heydər Əliyev 1923-cü
ilin mayın 10-da Naxçıvan şəhərində anadan olmuşdur.
·
Onun anadan olduğu tarix – 10 may – Ölkəmizdə Ümummilli liderin şərəfinə "Gül bayramı” kimi qeyd
olunur.
·
Heydər Əliyev
2 dəfə Azərbaycan
Respublikasının Prezidenti seçilmişdir (1993-1998
və 1998-2003).
·
Heydər Əliyevin 1993-cü ildə dövlətimizin çətin günlərində Bakıya qayıtması və onun
Parlamentin sədri seçilməsi ilə, ölkəmizdə
vətəndaş
müharibəsinin (bir ölkənin daxilində gedən müharibələr belə adlanır) və
xarici qüvvələrin dövlətimizin parçalamasının qarşısını almışdır. Həmin gün - 15 iyun - tarixə
"Milli
Qurtuluş Günü" kimi daxil oldu.
·
Heydər Əliyevin 20 sentyabr 1994-cü ildə xarici neft şirkətləri ilə neft
kontraktları imzalaması Azərbaycan Respublikasının iqtisadi inkişafının gələcəyini
təmin etmişdir. Bu müqavilə tarixə "Əsrin müqaviləsi” kimi daxil
olmuşdur. Həmin gün – 20 sentyabr –
isə ölkəmizdə "Neftçilər günü” kimi qeyd olunur.
· 2003-cü il dekabrın 12-də Azərbaycanın ümummilli lideri Heydər
Əliyev Amerika Birləşmiş Ştatlarının Klivlend Klinikasında vəfat etmişdir.
· Heydər Əliyevin ən məşhur kəlamı: "Mən fəxr edirəm ki, mən Azərbaycanlıyam!”
4. Ali Qanun
·
Azərbaycan
Respublikasının ali qanunu – Azərbaycan Respublikasının Konstitusiyasıdır.
·
Azərbaycan
Respublikasının Konstitusiyası 12 noyabr 1995-ci ildə qəbul olunmuşdur.
·
"12 noyabr” Azərbaycan Respublikasında "Konstitusiya günü” kimi
qeyd edilir.
5. Qan yaddaşımız
·
Ümumxalq Hüzn günü - 1990-cı il yanvarın 20-də sovet
qoşunları Azərbaycana hərbi təcavüz edərək, böyük itkilərə, günahsız insanların
kütləvi qətliamına səbəb olmuş Qanlı Yanvar faciəsini törətdilər. O gecə Bakı qan içində boğulurdu. Həmin
gün tarixə "Qanlı Şənbə” kimi də daxil olmuşdur. Həlak olan şəhidlərin
(Şəhid – Vətən və din uğrunda həyatını
itirən şəxs) şərəfinə bütün Azərbaycan qərənfil gülləri örtülmüşdür. Bu hadisə
xalqımızın müstəqillik, azadlıq, demokratiya və ərazi bütövlüyü uğrunda mübarizə
idi. Onların məzarları dağüstü parkdadır, onlara ehtiram simvolu olaraq abidə
ucaldılmışdır.
·
Xocalı faciəsinin anım günü - 1992-ci il
fevralın 26-na keçən gecə
Ermənistanın hərbi birləşmələri Xankəndində
yerləşən rus hərbi hissələrinin köməyi ilə Azərbaycanın Dağlıq Qarabağ ərazisindəki yaşayış məntəqəsini - Xocalını yerlə
yeksan edərək, xarabalığa çevirdi. Bu, əsl soyqırımı (Soyqırım – Bir xalqın, onun ayrı-ayrı hissəsini bilərəkdən məhf
etmək cəhdi) idi. Bu faciə ermənilərin törətdikləri ən qanlı, ən dəhşətli faciə
idi. Bu hadisə bütün türk dünyasının tarixi faciəsi oldu. Xocalı faciəsini
törətməklə ermənilər azərbaycanlılara qarşı nifrətlərini, vəhşiliklərini bütün
dünyaya nümayiş etdirdilər.
·
Azərbaycanlıların soyqırım günü - 1918-ci ilin mart-aprel aylarında əsasən
Bakıda və Şamaxı, Quba, Lənkəran və s. yerlərdə
ermənilər 50 min azərbaycanlını qətlə
yetirmişlər. Bu qırğınları törətməklə onlar öz mənfur siyasətlərini
həyata keçirməyə çalışırdılar: Azərbaycanda hakimiyyəti ələ keçirib,
torpaqlarımıza sahib olmaq. 1998-ci ildən
31 mart Azərbaycan Respublikasında dövlət səviyyəsində Azərbaycanlıların
soyqırımı günü kimi qeyd edilir.
6.
Qarabağımız
·
Qarabağ nəinki Azərbaycanın,
hətta bütün dünyanın qədim diyarlarından biridir. Bütün tarix boyu Qarabağ Azərbaycanın
ayrılmaz hissəsi olmuşdur. 1988-ci ilin fevral hadisələrindən
sonra Dağlıq Qarabağ Muxtar Vilayətinin separatçı-terrorçu qruplaşmaları və Ermənistan
silahlı qüvvələri Dağlıq Qarabağın ələ keçirilməsi uğrunda hərbi əməliyyatlara
başladı. Nəticədə tarixi Azərbaycan
torpaqlarımız işğal altına düşdü.
·
I Qarabağ müharibəsi
nəticəsində erməni işğalına məruz qalmış rayonların siyahısı:
Xankəndi – 26
dekabr 1991 – ci il
Xocalı – 26 fevral 1992 – ci il
Şuşa – 8 may 1992 – ci il
Laçın – 17 may 1992 – ci il
Xocavənd – 2 oktyabr 1992 – ci il
Kəlbəcər – 2 aprel 1993 – cü il
Ağdərə - 7 iyul 1993 – cü il
Ağdam – 23 iyul 1993 – cü il
Cəbrayıl – 23 avqust 1993 – cü il
Füzuli – 23 avqust 1993 – cü il
Qubadlı – 31 avqust 1993 – cü il
Zəngilan – 29 oktyabr 1993 – cü il
Rəylərin sayı:.