32 il əvvəl Sovet ordusu Əfqanıstana daxil olmuşdur. Tarixən qeyri-sabit bu regiona qoşunların yeridilməsinə o illərdə olduğu kimi, indi də müxtəlif səbəblər gətirilir. Sovet ordusunun oradakı, fəaliyyətinə beynəlmiləl borcu, işğal, intervensiya, silahlı müdaxilə, dostluq köməyi və s. kimi adlar verildi. Sovet ordusunun əsgərləri, yəni 20 yaşları tamam olmayan çağırışçıları onlara birbaşa aid olmayan, amma vətəndaşı olduqları ölkə üçün vacib olan münaqişəyə cəlb olunmuşdular.
Sovet ordusu Əfqanıstanda olduğu müddət 620 minə yaxın (Azərbaycandan 10 000 nəfərə yaxın) zabit, gizir, çavuş və əsgər 416 iri miqyaslı, əməliyyatlarda iştirak edib. Bunlardan 547 min nəfər döyüş əməliyyatlarında iştirak ediblər, bundan əlavə 21 min (Azərbaycandan-100 nəfərə yaxın) nəfər işçi və qulluqçu əmək fəaliyyəti ilə məşqul olmuşdur. Sovet ordusunun sıralarında 68 millətin nümayəndəsi Əfqanıstanda qulluq etmişdir. Ümumi döyüşlərdə iştirak edən Sovet ordusunun Əfqanıstanda qulluq etmişdir. Ümumi döyüşlərdə iştirak edən Sovet ordusunun Əfqanıstanda itkiləri 14 453 (Azərbaycandan-208) nəfər olmuşdur, 417 nəfər əsir və itkin düşmüşdür (Azərbaycandan-7 nəfər), onlardan 119 nəfəri sonradan əsirlikdən azad olmuşlar. 86 nəfər Sovet İttifaqı Qəhrəmanı adına layiq görülüb., 25 nəfəri ölümündən sonra, 200 min nəfəri başqa döyüş, 2500 nəfər isə müxtəlif əmək fəaliyyətinə görə orden və medallarla təltif edilib.
Cenevrə razılaşmasına görə SSRİ-nin 40-cı ordusunun Əfqanıstandan çıxardılmasına 15 may 1988-ci il tarixindən başlamış və 15 fevral 1989-cu ildə başa çatmışdır.
Azərbaycan Milli Ordusunun yaranmasında əsas bazalardan birini Əfqanıstan Veteranları təşkil edib. Onlardan 7 nəfəri Milli qəhrəman, 37 nəfəri isə Azərbaycan Bayrağı ordeni ilə təltif olunub.
Rəylərin sayı:.