Babəkdən məktub almışam
Aktyor Elmi Mirzəliyevin səsi ilə yeni musiqili variantı hazırlanıb.
Onlayn qulaq asmaq və yükləmək mümkündür.
Salam olsun "Cənnət diyara”
Salam olsun "Qeyrət duyana”
Salam olsun Azərbaycana !
12 əsrdir ki, yad ölkədə, düşmən əhatəsində, zalım bildiyim, adını "peyğəmbər köməkçisi” qoymuş, əslində kafər bir bəndə sayılan Mötəsimin sarayında – Samirədə, məni cəllad Nudnudaya doğratdılar. Qanımı dəstamazda su əvəzi etdilər, başımı Xorasana göndərib gülüş atributuna çevirdilər, bədənimim hissələrini Bağdad küçələrində gəzdirərək min düşmən tüpürcəyinə məhkum etdilər. Can-qəlb qardaşım Abdulla böyük işqəncələrə məruz qalaraq dünyasını dəyişdi. Oğlum Buğday hələ Vətən eşqini tam anlamadan intihar etdi. Ömür-gün yoldaşım Zərnisə, anam Bərumənd və neçə-neçə bacılar, analar müqəddəs torpağımıza göz yaşlarını axıtdılar, həsrət çəkdilər, həyacanda yaşadılar, ancaq möhkəm oldular.
Mənim və mübarizə qardaşlarımın Vətən eşqini alçatmaq naminə, tarixdən silmək üçün yüzlərlə böhtan uydurdular, bizi ləkələdilər. Məni İslamın düşməni elan etmişdilər, məni müsəlman dünyasına yollanmış şeytan adlandırmışlar. Amma bilmirdilər ki, məni müsəlman adətlərində böyüdüblər, mənə Məhəmməd peyğəmbərin ilk oğul nəvəsi sevimli Həsən İmamın adını qoymuşdular. Mən hər günümü kəlmeyi şəhadətlə keçirirdim, böyüyürdüm. Heç məndən soruşan belə olmadı ki, ey Həsən niyə İslama qarşı vuruşdun ki sən? Niyə sən atəşpərəstliyi, xürrəmiliyi təbliğ etdin? Niyə xristian Bizansa sığınmağa çalışdın?
Mən Babək Xürrəmi Vətən sevdası ilə yaşamışdım. Xalqımı öz torpağında əyilməsini, sınmasını qəbul edə bilmirdim. Mən xalqımın qədimdən qalan adətlərindən üz döndərə bilmirdim. Mən Azərbaycanımızı canımdan çox sevirdim. Azərbaycan duhası, Azərbaycan döyüntüsü, Azərbaycan, Azərbaycanım, Azərbaycan.......
Məni əzdirən İslam deyil, məni əzdirən əsarət idi, işğal idi, haqsızlıq idi, ədalətsizlik idi. Axı niyə bir tikə balasına çörək qazanan kəndli, balasının boğazından kəsib onu işğalçıya verməli idi. Nə üçün? Bəyəm biz alçaldılmış ölkənin sakinləriyikmi? Bəyəm biz qapazaltıyıqmı? Babamız Atropat, Oroyz, Cavanşirin hünərini unutmuşuqmu? Xeyr! Unutmadıq, unuda bilməzdik. Bunu unudan işğalçılar idi. Mən onlara Vətənimin zəngin adətlərinin olduğunu xatırlatdım, mən onlara qəhrəman bir xalqla toqquşduqlarını xatırlatdım. İslam təbii ki, gəlib-keçmiş 124 min peyğəmbərin ən zirvəsi Məhəmməd peyğəmbərin yadigarı idi. Bu humanist dini, bu ədalət hökmünü, Allahımızın bəşəriyyatı son sınağa çəkdiyi "cənnətə yol” arzusunu biz necə qəbul edə bilməzdik? Edirdik, edəcəyikdə! Lakin peyğəmbərdən sonra onun arzularını, istəklərini yanlış yolla davam etdirən, özgə çörəyini qəsb edən, peyğəmbərin ən sevimli nəvəsi İmam Hüseynin başını kəsdirən Əməvilər, Abbasilər, öz doğma qohumlarının qədrini bilməyib bizəmi ədalət nümayiş etdirəcəkdilər?
Bəli, mənim Vətən aşiqlərim, biz qədimdəm, atəşpərəstlikdən qalan Novruzumuzu qoruduq, dilimizi qoruduq, adət-ənənələrimizi qoruduq. Bunları bizə unutdura bildilərmi? Bunu nə monqollar, nə farslar, nə ruslar edə bildi. Bax budur mübarizənin əhəmiyyəti. Yoxsa indi qədim sivilizasiyaya malik olan Misir, Suriya və s. kimi ölkələr sırasına düşərək əriyib getmişdik. Bu gün ölkəmizin hər yerində Novruz şamalları alışır, Azərbaycan dilimiz mükəmməlləşir. Bunu unutdura bildilərmi? Biz bunu unuda bilərdikmi?
İşğala xeyr deyən, əli silahlıya silah göstərən, bir qarış torpağına canım qurban deyən, namərdliyə cəzəlandıracam deyən "Yanar odlar” vətəndaşları hələ də bu hissləri yaşadırmı? Bütün tarix boyu Xocalı qətlyamı kimi vəhşilik görməyən Azərilər, artıq 20 ildir ki, buna dözür. Bəyəm biz zalımlığa bu qədər dözə bilirdikmi? Biz necə "qara donlu kafirlərin” müqəddəs torpağımızda "at oynatmasına” , onların bütün dünyaya həyasızcasına Qarabağ bizimdi söyləmələrinə dözə bilirik? Mübariz İbrahimov təkbaşına düşmən üzərinə atılıb onları silkələyib Azəri yumruğunu göstərməsi, bizim hələ də ədalətsizliklə barışmaz mərd övladlarımızın olmasını sübut edir. Ramil Səfərovun yad eldə Vətən bayrağı naminə göstərdiyi şücayət, hələ neçə-neçə adları tarixə düşməyən qeyrətli oğul və qızlarımızın hünəri, rəşadəti, cəsarəti VARAM MƏNDƏ CAHANDA söyləmənin ən böyük sübutudur. Bunu dünya görmədimi? Gördü! Türkün oyamasından qoxduqları üçün beynalxalq arenada bizləri sıxışdırlar, bizə əl-qol açmağa imkan vermirlər.Bu qəhrəman evladlarımızın qanı Xürrəmi rəmzidir, azad bir ölkənin azad sevdasıdır. Biz onların qəhrəmanlıqları ilə fəxrləndik, alovlandıq, amma yenə də kədərləndik. Çünki bizlər də, yanlarında olub, o qəsbkarları cəzalandırmaq istərdik. Heyif. Mənim Vətən silahdaşlarım, səbr tükəndi bizdə, bəs Sizdə? Mənim Azərbaycanım, biz qiyamətə hazırıq, bəs Siz? Bizim qəhrəman salnaməmizi davam edin. Vaxt tükənib, qiyamətdə nə cavab verərik. Torpağımızı hədiyyə etdikmi deyək, yoxsa vuruşmağı unutduqmu deyək. İslam naminə cihad deyənlər, Vətən naminə mübarizə deyənlər, qisas almaq naminə qisas deyənlər TƏRPƏNİN! TƏRPƏDİN!
Unutmayın Bizləri, Aypara uğrunda mübarizədə Allah dəstəyiniz olsun ! Ruhum, ruhumuz Sizinlə olacaq. Gücümüz, sevqimiz Sizinlə qalacaq. Son nəfəsə qədər, oyan türküm oyan! Yaşayacaq Azərbaycan!
Zalımlara nifrət
Düşmənə zülmət
Şəhidlərimizə rəhmət
Göstər Vətənə sədaqət!
Yolunuz açıq olsun !
Rəylərin sayı:.