Göyçay şəhər 9 saylı orta məktəbin tarix müəllimi Quliyev Natiq.Hörmətli tarix infoçular: Göyçay şəhər 9 saylı orta məktəbin v b sinif şagirdi Balıyev Amaxanın Təbriz şəhəri haqqında hazırladığı rəvayəti sizə təqdim edirəm.
Təbriz şəhəri haqqında rəvayət
Belə rəvayət edirlər ki, keçmiş zamanlarda Təbriz şəhərində
bir şahın oğlu bazara çıxır. O, bazarı gəzib dolaşır,nəhayət,xalça satılan yerə gəlib
çıxır. O, heyranlıqla xalçaları gözdən keçirir. Onların içərisində ən çox bəyəndiyi
xalçanın sahibinin kim olduğunu soruşur. Ona deyirlər ki,bu cavan bir
qızdır. Şahın oğlu onunla görüşmək istədiyini bildirir. Qızı onun yanına gətirirlər. Şahın
oğlu bu qızı, çox bəyənir və onunla evlənmək istəyir. Qız razılaşır, onlar evlənirlər. Şahın
oğlu bu sənəti qızdan öyrənir.
Döyüşlərin birində, şahın oğlu əsir düşür, onu
zindana atırlar. O, zindanda olarkən, zindan ağasından xalça sapları istəyir və
xalça toxumağa başlayır. Necə olursa xalça Təbriz bazarına gəlib çıxarılır. Qız
bu xalçanı tanıyır. Onun üstündəki naxışlardan bilir ki, bu ərinin
xalçasıdır. Şahzadə öz yerını naxışlarla göstərmişdi. Qız şaha xəbər verir, şah
oğlunu əsirlikdən azad edir.
Rəylərin sayı:.