· ibtidai
icma quruluşundan feodalizm quruluşuna keçmişdilər
·
İslam
dinini qəbul edərək vahid mərkəzləşdirilmiş dövlət yaratmışdılar
·
Atlantik
okeanından Hindistana qədər uzanan ərazidə geniş imperiya qurmuşdular
·
Müsəlman mədəniyyətini
yaratmışdılar
Ərəblərin
"Cəzirət-əl-ərəb”,
türklərin və farsların "Ərəbistan” adlandırdıqları Ərəbistan
yarımadası Asiyanın ən böyük yarımadasıdır. Üç tərəfdən dəniz suları ilə əhatə
olunan yarımada Asiya, Afrika və Avropanın qovşağında yerləşir. Yarımadanın
çox hissəsini səhralar , yarımsəhralar və çöllüklər təşkil edir.
Səhrada yaşıllıq və su olan yerlər – vahələrdə xurma ağacları bitirdi. Yarımadanın şimalında maldarlıqla məşqul olan bədəvilər, cənubunda isə əkinçiliklə məşqul
olan əhali yaşayırdı.
Ərəbistan
ərazisindən Avropadan Hindistana gedən böyük karvan yolu keçirdi. Ticarət
yolları üzərində tədricən şəhərlərə çevrilən iri ticarət məskənləri
yaranırdı. Bunlardan ən böyükləri Məkkə
və Mədinə şəhərləri idi.
V-VI
əsrlərdə ərəblər qəbilə və tayfalar halında yaşayırdılar. VI əsrin sonunda təsərrüfatın
inkişafı nəticəsində ərəb cəmiyyətində dəyişikliklər oldu. Qəbilələr dağılır,
bərabərsizlik yaranırdı. Xüsusi mülkiyyət meydana gəlirdi. Varlı əyanlar və
onlardan asılı hala düşən təbəqələr ortaya çıxırdı. Ölkədə tayfalararası
ziddiyyətlərin artması və xarici təhlükə (qonşu Bizans və Sasaniər
imperiyası) ərəb cəmiyyətini birləşməyə zəruri edirdi.
İslama
qədər Ərəbistanda vahid din yox idi. Bütpərəstliyə sitayiş edən ərəblərdə az
qala hər tayfanın səcdə etdiyi öz bütləri və məbədləri vardı. Onların
arasında ən məhşuru "Allahın evi” adlandırılan "Kəbə” məbədi idi.
"Biz həzrət Məhəmməd peyğəmbərin qoyduğu yol ilə
gedəcək və onun bütün silahdaşlarının qəhrəman-lığını, şəhidliyini heç
vaxt unutmayacağıq"
Heydər Əliyev
Aşura
günü mərasimində çıxışından (20 iyun 1994-cü il)
610-cu ildə Məkkə sakini Məhəmməd (570-632) vahid Allaha və onun
elçisinə itaət etməyə çağırdı. O, islam (itaətetmə) dinini yayır və onu
qəbul edənləri "müsəlman” ("Allaha
itaət edənlər”) adlandırırdı. Məkkədə islamım yayılması çətin və
qorxulu olduğu üçün peyğəmbər ("Allahın
elçisi”) 622-ci ildə Mədinəyə
köçür. Bu hadisə islam aləmində Hicrət adını almışdır. 630-cu ildə müsəlmanlar
Məkkəyə dönərək İslamı vahid din elan edirlər. Beləliklə vahid Ərəb dövlətinin
əsası qoyuldu.
Hicrət
(ərəb. tərcümədə "köçmək”)– Müsəlmanlar tərəfindən
adlandırılan Məhəmməd peyğəmbərin Məkkədən Mədinəyə köçdüyü il (622-ci il) .
Hicri təqviminin yaranması bu ildən başlanmışdır.
Hər bir müsəlmanın 5 vacib əməli
1)
Allahın
vahidliyini və Məhəmmədin peyğəmbərliyini tanımaq
2)
Gündə 5 dəfə namaz qılmaqla Allaha ibadət etmək
3)
Ramazan
ayında oruc tutmaq
4)
Öz gəlirlərindən
zəkat, yəni sədəqə vermək
5)
Məkkədəki Kəbəni
ziyarət etmək
O gün (qiyamət günü) onların hamısını (bir yerə) toplayacaq,sonra (Allaha) şərik qoşanlara deyəcəyik: "(Tanrı olduqlarını) iddia etdiyiniz şərikləriniz (bütləriniz) haradadır?!
Quran (VII əsr).
Əl-Ənam surəsi, 22 ayə. Ziya
Buniyatovun tərcüməsi
Ərəb dövlətinin tarixini 3 dövrə bölmək
olar:
1)
Məhəmməd peyğəmbər və
ondan sonrakı dörd xəlifə - Əbubəkr, Ömər, Osman və Əlinin dövrü (630-661). Bu dövrdə ərəb dövləti hələ
yeni yaranır və inkişaf edirdi. Dövlətin paytaxtı Məkkə və Mədinə şəhərləri
idi.
2)
Əməvilər
sülaləsinin hakimiyyəti dövrü (661-750). Bu dövrdə müsəlmanlar yeni
ərazilər ələ keçirmək üçün işğalçı müharibələrə başladılar. Qonşu Bizans və
Sasanilərlə müharibələr aparıldı. Bu müharibələr nəticəsində Bizans qoşunları
636-cı ildə Yarmuk döyüşündə ağır məğlubiyyətə
uğradıldı.
Bizansa məxsus Suriya və Misir müsəlmanların əlinə keçdi. Sasanilər
dövləti isə süqut etdi (651-i ildə) və onun geniş torpaqları Xilafətin tərkibinə qatıldı. Şimali Afrikanı işğal
edən ərəblər 711-ci ildə Afrika və
Avropanı ayıran Cəbəlüttariq boğazını
keçərək İspaniyaya daxil oldular. Pireney yarımadasını işğal etdikdən
sonra ərəblər Avropanın içərilərinə doğru irəlilədilər. Lakin 732-ci ildə Puatye döyüşündə franklar tərəfindən məğlub olaraq geri çəkildilər. Əməvilər dövründə ərəblər Atlantik okeanından Hindistan və Çinə qədər əraziləri Xilafətin tərkibinə qata bilmişdilər.
3)
Abbasilər
sülaləsinin hakimiyyəti dövrü (750-1258). Bu dövrdə paytaxt Bağdad
şəhərinə köçürüldü. Elə bu səbəbdən Abbasilər dövlətini Bağdad xilafəti adlandırırlar. Harun ər-Rəşidin (786-809) zamanında Xilafət yüksəliş dövrü
keçirirdi. Lakin onun vergiləri məhsulun miqdarına görə deyil, əkin sahəsinə
görə verilmsəi qaydası kəndlilərin vəziyyətini pisləşdirmişdi. Belə vəziyyətdə
ölkədə çoxsaylı üsyanlar qalxırdı.
VIII əsrdə başlamış Mərkəzi Asiyada Müqənna üsyanı və Azərbaycanda Xürrəmilər hərəkatı bu üsyanların ən möhtəşəmləri idi. "Ümumi bərabərlik” ideyasını təbliğ edən hər iki üsyan öz dinlərini (atəşpərəstliyi) islam dininə qarşı qoyurdular. Məğlubiyyətlə nəticələnməsinə baxmayaraq üsyanlar Xilafəti zəiflətdi və digər yerlərdə də üsyanlara işarə oldu. İri feodalların güclənərək mərkəzi hakimiyyətə tabe olmaması və itaət altında olan xalqların üsyanları Xilafəti parçaladı. İlk olaraq İspaniya ayrıldı. Burada 756-cı ildə müstəqil Kordova xilafəti yarandı. IX əsrdə Misir, Mərkəzi Asiya, İran və Əfqanıstan Xilafətdən ayrıldı. Sürətlə zəifləyən Xilafət 1055-ci ildə səlcuqlardan asılı vəziyyətə düşdü. 1258-ci ildə isə Bağdadı tutan monqollar Abbasilərin hakimiyyətinə son qoydular.
Müsəlman mədəniyyətinin yüksəlişi
Cədvəldə verilmiş mədəniyyət sahələri haqqında
internetdən istifadə edərək əlavə məlumatlar toplayın və təqdimat hazırlayın.
Avropalılar ərəblərdən çox şey öyrənmişdilər.
Riyazi rəqəmlər, o cümlədən "sıfır”, onluq kəsr, bir çox ulduzları və s. Avropaya
ərəblərdən keçmişdi. Görkəmli alim əl-Biruniilk qlobusu düzəldmiş, yerin günəş ətrafında fırlanması fikrini irəli sürmüşdü.İbn Sinanın tibbə aid əsəri latıncaya
tərcümə olunmuş və XVII əsrə kimi Avropa həkimlərinin tibbi vəsaiti olmuşdur.
Ərəb tacirlərinin olduqları ölkələrdə
eşitdikləri nağıllar, macəra əhvalatları və s. əsasında məhşur "Min bir gecə” əsəri
yazılmışdır.
Xronoloji xətdə zamanı buraxılmış
hadisələri əlavə resurlardan (ensiklopediya, internet və s. ) istifadə etməklə
müəyyən et.
Bunu bilirsinizmi?
Tarixdə Ərəb
dövlətinin əhatə etdiyi əraziləri müasir dövrdə 19 ərəb dövləti təşkil edir.
Lüğət
- Bədəvi – köçəri həyat tərzi keçirən ərəblər
- Hicrət (ərəb) – başqa yerə getmə, köçmək.
Suallar:
- Hansı əlamətlər ərəblərin VI əsrdə ibtidai icma quruluşu halında yaşadığını göstərirdi? Ərəb cəmiyyətini birləşməyə vadar edən səbəblər hansılar idi?
- Əməvilər və Abbasilər sülaləsi dövründə Ərəb xilafətini müqayisə edin. Oxşar və fərqli cəhətlərini Venn diaqramı əsasında dəftərinizdə tərtib edin.
- Yuxarıdakı xəritə əsasında ərəb işğallarının xronoloji cədvəlini hazırlayın.
- İslam mədəniyyətinin əhəmiyyəti nə olmuşdur?
- "İslam mədəniyyəti” mövzusunda təqdimat hazırlayın.
Rəylərin sayı:.