Tevton cəngavərləri Baltik sahillərində öz torpaqlarını genişləndirərək litvalılara da hücum etdilər. Onlar Litva tayfalarından olan prusların torpaqlarını tutub, əhalini amansızcasına qırdılar. XV əsrinə əvvəllərində işğalçılar Litva torpağından qovuldular. İşi belə görən cəngavərlər Litva ilə müttəfiq olan Polşaya müharibə elan edib, bir neçə Polşa şəhərini tutdular. Böyük Litva knyazı Vitovt və Polşa kralı Yaqaylo güclü qoşun topladılar. Qoşunun tərkibində polyaklar, çexlər, ukraynalılar və beloruslar, Smolensk torpağından gəlmiş ruslar var idi.
1410-cu il iyulun 15-də Şərqi Prussiyada Qrünvald döyüşündə slavyanların və litvalıların birləşmiş qoşunları alman cəngavərlərini darmadağın etdilər. Bu döyüş cəngavərlərin Şərqdə hücumlarına son qoydu. Həmin vaxtdan etibarən Tevton ordeninin süqutu başlandı.
Rəylərin sayı:.